-» الحبيب الأولي

كنـت احـسـب ان الـحـب الاول مـايـروح ,, ثـابـت عـلـى طــول الـدهـر ماينجـلـي

لكـن بعـد ماشفـت ابـو الوجـه الصـبـوح ,, غـيّـرت رايــي بالحبـيـب الاولـــي !!

الاولــي ماشـفـت مـنـه الا الـجــروح ,, بـنـيـت مـنـزالـه وهـــدّم مـنـزلــي

والا انــت شـيّـدت المبـانـي والـصـروح ,, وعمّـرت قـلـبٍ كــان مهـجـور وخـلـي

القـلـب مــن سبـتـك ماظـنـي يـنــوح ,, ياجعلـنـي مابـكـيـك يـاريـحـة هـلــي

اصبحـت لــي ياغايـتـي اكـبـر طـمـوح ,, بـعـدك دمــار وصحـبـتـك مستقـبـلـي

كلـي فــدا العينيـيـك والـرمـش الـذبـوح ,, مــع شامتيـنـك والـجـديـل المخـمـلـي

وغمّازتينـك لا اضحـكـت لــي يـامـزوح ,, تـحـرق شراييـنـي وتصـلانـي صـلــي

شاعـر ولا عمـري خبـرت انـي شـحـوح ,, الشـعـر بوصـافـك يـفـيـض ويمـتـلـي

كـل ماكتبـت الشعـر فـي وصفـك وابــوح ,, جـاوب علـى شـعـري صفـيـر البلبـلـي

علـى النـقـا مغلـيـك واحــب الـوضـوح ,, سـيّـر علـيـه واتــرك البـاقـي عـلــي

اكـذب عليـك ان قلتـلـك مـانـي شـفـوح ,, فـي شوفتـك يـازيـن : واسـمـع مايـلـي

مـاهـو صحـيـح الـحـب الاول مـايـروح ,, هـذا انـت ثانـي بـس مسحـت الاولــي !!